پیـتراق

ننه­م و سرحدلری آشان سیچانلارا چئوریلمیش نانولار

رامین جهانگیرزاده

«آنامین یایلیغی» آدلی آزاد شعر فئستیوالینین اوچونجو دؤورونده بیرینجی، ایکینجی و اوچونجو یئری قازانان شعرلر

عیسی زینی(بیرینجی)

مزارلیق

هرگون

بو ساهات

هئچ تانیمادیغیمیز بو مزار اوستو.

اؤلوم آیاغیندان باشلامیشدیق بیربیریمیزی!

شوبهه‌لی کوچه‌لرین کابوسوندا،

اللریمیزی کؤلگه‌میزین آغزینا تپیب،

سییریلیردیک گؤز اؤنوندن .

بیر شئی لهله‌ییردی ایچیمیزده!

اوره‌ییمیز آغزیمیزا گلیردی ،

اوره‌ییمیزی یئییردیک

                     بورا گلینجه.

بیر بیریمیزین بوینوندا آغیرلاییردیق؛

من بویدا وابال!

سن بویدا میننت!.

مزار اوستو اوتوروب

 داریخمالاریمیزی دیدیردیک ،

ساپا دوزوردوک کئشکه‌لری.

وحشی سئویشمه‌لری پیچیلداشیردیق!

سنین  گؤزلرینه یاش دولدوردو

منیم اوره‌ییمه قان!

اللرین اسیردی،

اوشویوردوم

سونرا

 کاغاذ اوستو گولمه‌جه‌لر اوخویوردوق بیر بیریمیزه؛

گوله-گوله آیریلیردیق.

و اؤلولر هر گون ایزله‌ییردی سناریوموزو.

چوخ سورمه‌دی دالدیغیمیز بو کوما!

بیر شوکدا آییلدیق بیر بیریمیزدن.

آنیلاریمیز اوچوقلادی

   و بیر داها باشلاندی:

مزارلیق

هر گون

بو ساهات

لاپ یاخشی تانیدیغیم بو مزار اوستو...!!!

قایناق: http://www.uchluk.blogfa.com/post-113.aspx

زامان پاشازاده(ایکینجی)

چئوریلمه

سن چئوریلیب اولورسان نس

دامارینا دوشور

سومویونه دوشور

تئللو آ تئللو

تانقو* دانسینین آراسیندا بادالاغینا توش گلیرم

داماغینا خوش گلیرم

دوداقلارینین آراسیندان دراکولا قان کولاسی ایچیر بوینومدان

یولوخورام وامپیرلییینه*

سئویشیریک بیر-بیریمیزین شاه نس دامارینی امه­‌رک

نسنه­یه چئوریله‌­رک.

داشینماز مولک کیمی یییه‌­له­‌نیلیریک

داشینار مال کیمی داشینیریق_

دوشونجه­‌لریمیزدن

یئردن

گؤیدن

یئرله‌­شیریک گؤیده

گؤیله‌­شیریک یئرده.

سئویشه‌­رک جین آتیندان دوشورسن

له‌له­‌یه­‌رک

تؤشه‌­یه­‌رک

یوموشالیر دامارین

بوشالیر قان تر ایچینده ایچینده­‌کیلر.

من سنی آتاندان آلیرام

قولونو بیلرزیکلرینله

بوینونو بویونباغینلا باغلاییرام

سن منی آنامدان آلیرسان

نیشان اوزویونله نیشانلاییرسان منی

شیفره‌­له­‌ییرسن

شیلفه‌­له­‌ییرسن.

گله‌­نک گلینلییینی بَی­ـه‌­نمه­‌ین، سن

دَیه‌­نک بَی­لیینی گَلینمه‌­ین، من

آخیدیریق قیزدیرمامیزین قیرمیزی جیوه­سینی

یاشام حرارتینده سوس دایاندیریریق.

پروتئز دیشلریمیزی آلکول دا گولومسه­‌دیریک

داها بیر-بیریمیزه باتمیر وامپیر دیشلریمیز

بیر-بیریمیزی یئگه­‌له­‌ییر* قیریشلاریمیز

بئله­‌جه قوجالیر

سولور

اؤلوروک_

دئسم یالان اولاجاق.

دوغرسو بودور؛

سن قیز

من یال­قیز

سن ساغ

من سول

ساغسوللاشمالیییق.

*تانقو : ایکی نفرلی اوینانان بیر رقص نؤوعو

*وامپیر: آوروپا افسانه لرینه گؤره اینسان بدنی قورولوشونا و کؤپک دیشلرینه مالیک اولان وارلیقدیر. بونلار قارشی طرفی گؤزلری ایله هیپنوز ائدیب دوشونجه لرینی اوخویورلار. اساس اؤزللیکلریندن اونورغالی وارلیقلارین قانلارینی ایچمکدیر.

*یئگه : سوهان

قایناق: http://www.uchluk.blogfa.com/post-113.aspx

رامین جهانگیرزاده(اوچونجو)

او قاتیلین قانلی گؤزلری

ان گؤزل ماهنی­نی

قاتیل­لر اوخویورلار

اؤلدوردوکلری آداملارین اوستونده

ان گؤزل ماهنی­نی

قاتیل­لر یازیرلار

داملا – داملا آخان

دیرناقلارینداکی قانلارلا

ماهنی­لار سورونور

قارانلیق اوتاقدان

قانادلانیر قانلارین اوستوندن

قیپ-قیرمیزی

قارایا چالان

ایستی نوت­لار

کؤپوکله­نیر اؤلوم

پیله­ییر قاتیل­لر

گؤیده اوچان کؤپوکلری

او قدر گؤزل اولور

او قدر گؤزل اؤلدورور

سئوینجدن قان دولور قاتیللرین گؤزلرینه

ان گؤزل رسمی

قاتیل­لر چکیرلر

اوره­یه باتیب چیخان

بیچاغین قانیلا

چیله­نیر ساری ایشیغا قاریشان

قیپقیرمیزی قانلار

چکیلیر اؤله­نین رسمی

قاتیلین کؤینه­یینده

ان گؤزل سیقارئت چکمک فیقوراسین

قاتیللر توتورلار

قانلی بارماقلارین آراسیندا

پوفله­نیر اؤلوم

نه گؤزل اولور

قارانلیق اوتاقدا

سیسقا ایشیق آلتیندا

ماسماوی توستولرین آراسیندان

گؤرونن او قاتیلین قانلی گؤزلری

قایناق: http://cizmaqara1.blogfa.com/post-118.aspx

ننه­م و نانولار

«اللرینیزی قالدیرین، ننه­مین توپانچاسی دولودور»

(بیر گون سیرلریمی بیله­جکسیز. باشینیزا هاوا گله­جک. بولودلارین اوستونده وورشماغا، چالیشساز دا، یاغماغا گوجونوز اولمایاجاق. بولودلاری بئینیزه پیله­سک ده هئچ بیر قیغیلجیم قوپمایاجاق بئنیزدن. اؤزونوزو آزیب، اؤزونوزده ایته­جک­سیز.

 ایت ایلینده هورمه­یین باشقا عالمی وار. ایت ایلینده قاپماغین باشقا بیر دورومو اولا بیلر. ایت ایلینده هر نه باش وئره بیلر. ایت ایلینده ایت دفتریندن پوزولماغا چالیشسام دا، ایت دفترینده قالماغا مجبورام. بیز ماموتلاری اوولاماقدان گلیریک ایت ایلینده. بیز هؤرومچکلرین تورلاریلا توتدوق میلچکلری. میلچکلرین یالنیز قانادلاری قالدی. بیز اوچماغی اؤیرتدیک اکابیر درسینی کئچیردنلره.)   

«ماکئدونیالی ایسکندر/ افغانلارین پارتیاسیلا/ نارکوتیو آلوئرینده ایدی/ ایت ایلینده تویوقلارین سویقیریمی/ ایت ایلینده دونوزلار یئریدیلر جانیمیزا/ تورکمن آتلارینین ناللاریندان قوپدو بولودلارین قیغیلجیمی/ دوئل ائتمکده­دیر میلچکلر/ اتموسفئری ده­ییشدیردی قارا بؤجکلر/ فرانسه­ده فئمینیست قادین/ تانزانیانین کوچه­لرینده وئیسللندی/ اکابیر درسینی یاخشی کئچیرتمه­دی بیزیم اوشاقلار/ رابین هود اینگیلتره­نین اویدورمالاریندان باش قالدیریب/ اینتیقامینی آلدی / نینی گالری­ده قلادیاتورلارین بودلارینا باخیردی/ دون کیشوت تاریخی کیشله­یرکن انگی قیفیللاندی/ اللرینیزی قالدیرین/ ننه­مین توپانچاسی دولودور/ پاپاقالارین آلتیندا گؤیرچینلر/ اوراسینا دیققت ائدین/ ززوزنقه­لر تیلیشکه­لی­دیر/ اودخوناجاق یئنه ده شهر/ نورمال بیر دورومدا دئییل هئچ نه/ لازیم گلسه گوله بیلرسیز/ اورکدن گولمک یاساق/ طالیبی سویونو یاشیل اولدوغونا گؤره ایچه بیلمزسیز/ فرانسه ده هله اینقیلاب باشا چاتماییب/ اللرینی قارا یاغا سالدیلار/ نئینه­مک اکابیر درسینی یاخشی کئچیرتمه­دی بیزیم اوشاقلار»

رامین جهانگیرزاده

ننه­مین توپانچاسی دولو اولسا دا، بعضی­لر اورکله­نیب، اللرینی ائندیردیلر، داها قووزامادیلار. بیر بادام ، بیر قوز چاغیررارکن، «دیلیم دولاشدی ننه­لیک/ کلم گول آچدی ننه­لیک» دئییب باغیردیلار، دینگیل وایا دوشدولر. دینگیل وایی، دینگیل وایی چالیب، اوینادیلار.

ننه­م « اوینا گولوم اوینا/ مامان قوربان بویونا» آنجاق اویناماغین واختینی بیلمه­لی­سن» دئییب دؤزه بیلمه­دی. توپانچاسینی بوشالتدی اونون بوش باشینا. باشیندان نانولار داغیلیب، غیغیلدادی. غیغیلتی­لاری ائشیدیب قاقیلدادی ننه­م. قاققیلتی­سی گؤیه قالخدی. قاققیلتی­لار رقملره چئوریلدیلر. دیفرانسیل اولدولار. موعادیله­لری بیر ـ بیرینه ووردولار. واریانتلاری بیر ـ بیرینه قاتیشدیریب، رادیکاللارین باشینا یاغدیلار. رادیکاللارین باشی یاریلدی، ازیک ـ اوزوک اولدولار. بوزوکلرینی قیسیب، کیریدیلر. داها هورمه­یه گوجلری قالمادی. قارا گونه قالدیلار نانولار، ننه­مین اوجباتیندان. اوجو بیلینمه­دی هئچ نه­یین. حروفلارا چئوریلدیلر نانولار قورخولاریندان. «نیننه جانیم! نینیه!» دئییب، نانکور آنلارینی، کورامال ایلانلارا آنلاتماق ایسته­دیلر. اوسته­لیک آنلاماز دئدیلر آنلایان آنلارا.

ننه­م یئنه دؤزه بیلمه­دی. بؤلدو حروفلارا چئوریلن نانولاری، جیریق ـ جیریق ائله­دی. جیریلدی نانولار، تیکه­له­نیب، سیچان دلیی­نی ساتین آلدیلار، گیردیلر سیچان دلی­یینه. سیچانلار توی توتدولار نانولارا. نانولار سیچانلارلا ائولندی. نانولارین نسلی ده­ییشیلدی. نانولار سیچانلار چئوریلدیلر. سیچانلار چتنه چکیب، اوچدولار خیاللاردا. سونرا دئشیکلردن چیخیب، بویلاندیلار. بویلاری ننه­مین بویونا چاتمامادیغی اوچون، آیاقلارینین آلتینا چارپایی قویدولار. ننه­مین گؤزونه باخیب، چارپایی­نین اوستونده لامبادا اوینادیلار.  سیچانلارا چئوریلمیش نانولارین لامبادا اویناماغی ننه­مه بیر آز ماراقلی گلدی. ننه­م توپانچاسینی قویدو قیراغا، قارمونونو تومانیندان چیخاردیب، چالدی. چال ها چال دوشدو، ننه­م قارمونونو چالدیقجا سیچانلارا چئوریلمیش نانولار اوینادیلار. او قدر اوینادیلار کی باشلارینا هاوا گلدی، باشلاری هاوا ایله دولدو. گیجه­لیب، چارپاییدان ییخیلدیلار، ییخیلیب یاخیلدیلار یئره. یئرین چارتلاغینا سوزولوب، قاریشقالارین اوستونه تؤکولدولر. قاریشقالار بورونلارینی توتوب، بیر ـ بیرلرینه شوبهه له نیب ایشاره ائتدیلر. بیر ـ بیرلرینه بؤهتان آتدیلار. آت قاریشقا مئیدانا دوشوب، دئدی:«بیر ـ بیریزه بؤهتان آتمایین! بو ایی سچانلارا چئوریلمیش  نانولارین اییسی­دیر»

رامین جهانگیرزاده

کؤنلون قوشونا وئرمه قاناد اوچمایاجاق بیل

یازما ساچینا یار ساچینی آچمایاجاق بیل

میل میل دئمه سن یار میلینی ساچمایاجاق بیل

بیلدینسه اوتور، قوشما غزل بسدی دانیشما

بایقوش اوتوروب باختیمیزا نسدی دانیشما

شاعیر سنه بیر سؤز دئییرم دینمه قال اول سن

بسدیر اتیمی تؤکمه داها، دینمه مال اول سن

گول ـ گول ائده­رک بولبول اولوب دینمه لال اول سن

بیلدینسه اوتور، قوشما غزل بسدی دانیشما

بایقوش اوتوروب باختیمیزا نسدی دانیشما

تور توستو ایچینده، اوتوروب شعری بیچنده

باتمیش او شهر، توستویه باخ، بیر ده کئچنده

گول ـ بولبوله دای قوشما غزل توستو ایچینده

بیلدینسه اوتور، قوشما غزل بسدی دانیشما

بایقوش اوتوروب باختیمیزا نسدی دانیشما

ایگزوزلار ایچینده یووا قورموش او ایلانلار

بیردن مله­ییب،زهرینی تؤکجک یئنه بانلار

مین درده سالیبدیر بیزی مینلرجه یالانلار

بیلدینسه اوتور، قوشما غزل بسدی دانیشما

بایقوش اوتوروب باختیمیزا نسدی دانیشما

میصراعلاری قوی اود توتاراق یانسین اوراندا

هر نه بو شهرده یارانیب دانسین اوراندا

تاپپیلتی­لاری قاندا تاپیب قانسین اوراندا

بیلدینسه اوتور، قوشما غزل بسدی دانیشما

بایقوش اوتوروب باختیمیزا نسدی دانیشما

بالیقلار بازاردا لوت اوزانیبلار

رامین جهانگیرزاده

بالیقلار بازاردا لوت اوزانیبلار

بازارین رنگی قاچیر

بیر فاجیعه باش وئریر

قیزلارین ساچلاری تؤکولور

بازارین قوجاغینا

اوغلانلارین گؤزو چیخیر یئریندن

قوجالارین قیچلاری چورویور

بالیقلار آیاغا دورورلار

بازاری رنگله­ییرلر

فاجیعه­نین قاباغینی آلیرلار

قیزلارین ساچلارینی

یاپیشدیریرلار لوت بدنلرینه

بازارین قوجاغینا دوشورلر

اوغلانلارین گؤزونو سئرچه­لر دیمدیکله­ییر

قوجالارین قیچلاری قارغایا چئوریلیر

بازار قاریلداییر

قارغالارین قانادی قیریلیر

تؤکولور شعرلریمه

هر نه­یی قاریشدیریرام

من شعرین گؤزونو چیخاردیرام

گؤزلریم داها سئچمیر هئچ نه­یی

بو گون گؤز دوکتورونه گئتمه­لی­یم موطلق

 جیزماقارا وئبلاگینین یئنی آدرسینی بورادان ایزله­یه بیلرسیز:

www.cizmaqara1.blogfa.com

شعرلریم

رامین جهانگیرزاده

منی ایلان ووردو

یاتا بیلمه­دیم

زهرلی شعرلر یازدیم

منی کیمین ایتی قاپدی

شعرلریم هوردو

باشیما داش سالدیلار

شعرلریم داشا چئوریلدی

بئش داش اوینادیم

شعرلریم اوینادی

سومویومه دوشدو

سومویوم آغریدی

آغری منی ایشدن سالدی

شعرلریم ایشدن دوشدو

شعرلریمین نبضینی توتدوم

شعرلریمین نبضی دایانمیشدی

شعرلریم اؤلموشدو

آغلادیم شعرلریمه

سونرا باسدیردیم اونلاری

شعرلریم مزاریندان باش قالدیردی

سئحیرلی لوبیالارا تای

بیردن بیره بؤیودو

بولودلاری دئشیب کئچدی گؤیون اوزونه

شعرلریمین بوداقلاریندان یاپیشیب

چیخدیم گؤیون اوزونه

ایلشدیم

بولودلارین اوستونده

باخدیم یئرین اوزونه

یئر کوره­سی آرتیق شعره چئوریلمیشدی

اؤزومو آتدیم گؤیون اوزوندن

دوشدوم شعرلرین اوستونه

شعرلرین پیرتداناغی چیخدی

یاخیلدی اوزومه

دبلیو­سی شعرلر(11)

رامین جهانگیرزاده

1

توالئتلر قاتیللرین ان دینج یئریدیر

بیر آز دریندن نفس چکه بیلیرلر

اؤلدوردوکلری آداملارا دوشونندن سونرا

راحات اولورلار

قانی تمیزله­ییرلر

پاکا چیخیرلار

توالئتلر قاتیللرین قانلارینی یویور

2

بیز اوچ شاعیرایدیک

گؤتوموزه تپیک چالیب

شعرلردن چیخارتدیلار

زور وئردیک…

هئچ یئرده چاپ اولمادیق

چوخ زور وئرمه عزیز اوخوجو

بیزی اوخوما!

یوخسا شعره دؤنرسن

سن ده

توالئتلرده

فراخوان سومین دوره

جشنواره غیر‌دولتی آنامین یایلیغی

-1 فراخوان جشنواره تا تاریخ 12/12/1390 به صورت آزمایشی در وبلاگ انتشارات یایلیق قرار داده شده است تا فرهنگ‌دوستان، فرهنگ‌پروران و علاقمندان، نظرات و پیشنهادات خود را ارائه فرمایند.

-2 جشنواره غیردولتی «آنامین یایلیغی» همانند ادوار قبلی نیازمند کمک مالی فرهنگ‌دوستان، فرهنگ‌پروران و علاقمندان است و طبق برآورد هزینه این دوره حدود 800 هزار تومان است که امیدواریم ما را در تأمین این هزینه یاری فرمایید.

3- با توجه به این که جشنواره غیر‌دولتی «آنامین یایلیغی» در تبلیغات هم متکی به لطف دلسوزان و علاقمندان است فلذا خواهشمندیم برگزاری این جشنواره را از طریق قرار دادن فراخوان در وبلاگ و سایت، چهره به چهره، کامنت‌گذاری، ارسال ایمیل، فرستادن پیامک و ... به اطلاع علاقمندان، شعراء و مقاله‌نویسان برسانید.

بسمه تعالی

فراخوان سومین دوره جشنواره غیر‌دولتی «آنامین یایلیغی»

سومین دوره جشنواره غیر‌دولتی «آنامین یایلیغی» با نماد همیشگی مادر «آنا» و با هدف ایجاد انگیزه و نشاط، شناسایی، شناساندن و بارورتر کردن استعدادهای نهفته همراه با احترام به پیشکسوتان و بهره‌گیری از تجارب ایشان، در دو بخش شعر و مقاله به زبان‌های ترکی و فارسی برگزار می‌شود.

این دوره از جشنواره به صورت اینترنتی خواهد بود – فراخوان جشنواره در وبلاگ انتشارات یایلیق به آدرس:

{www.e-yayliq.blogfa.com} موجود است- و همانند ادوار قبلی به برگزیدگان لوح تقدیر و تندیس جشنواره اعطا خواهد شد؛ جشنواره آنامین یایلیغی جوایز نقدی ندارد و به هیچ عنوان جایزه محور نیست.

 بخش شعر:

1- موضوع اشعار: آزاد

2- قالب اشعار: آزاد{تمام قالب های شعری}

3-زبان اشعار: ترکی و فارسی

4- تعداد اثر: هر شرکت کننده در هر یک از بخش‌های (اشعار سنتی ترکی، اشعار آزاد ترکی، اشعار سنتی فارسی و اشعار آزاد فارسی) تنها می‌تواند یک اثر به جشنواره ارسال فرماید.

5- شرکت‌کنندگانی که سقف مورد نظر را رعایت نفرمایند، جشنواره در انتخاب آثار آنها- به صورت تصادفی- آزاد خواهد بود.

6- اشعار هر بخش در صورتی داوری خواهد شد که در همان بخش حداقل 30 شرکت کننده وجود داشته باشد.

7- اشعار سنتی و آزاد ترکی به صورت جداگانه داوری خواهد شد.

8- اشعار ترجمه‌ای در جشنواره شرکت داده نخواهد شد.

9- مشخصات اثر: عنوان اثر، قالب اثر و سال خلق اثر

10-اشعار ارسالی باید در محیط word با قلمb zar  و اندازه 13، تایپ و ارسال شود.

10- بخش افتخاری: پیشکسوتان عزیز و سایر علاقمندان در صورت تمایل به صورت افتخاری هم می‌توانند در این بخش شرکت فرمایند؛ البته باید در ذیل آثار، جمله –به صورت افتخاری- قید گردد.

11- آثار افتخاری در بخش مسابقه شرکت داده نخواهد شد.

12- اشعار ارسالی برگشت داده نخواهد شد و جشنواره در بهره برداری از آنها به صورت مجموعه و کتاب آزاد است.

  بخش مقاله:

موضوع مقاله: بایاتی ائلیمیزین تاریخی

زبان: ترکی و فارسی

شرایط مقاله:

1- تناسب متن با عنوان مقاله

2- تازگی محتوا و خلاقیت در طرح دیدگاه‌ها، تدوین و تنظیم

3-استفاده از منابع معتبر و علمی همراه با ذکر منابع

4-مقاله از حیث ساختار باید شامل عنوان مقاله، نام و نام خانوادگی محقق یا محققین، مقدمه، متن مقاله، خلاصه، نتیجه‌گیری و منابع باشد.

5-مقالات ارسالی باید حداقل در 8 صفحه و حداکثر 15 صفحه باشد و در محیط word با قلمb zar  و اندازه 13 تایپ و ارسال شود.

6- ارسال مقاله به صورت فردی و گروهی آزاد است.

7- مقالات در صورتی داوری خواهد شد که در این بخش، حداقل 15 شرکت کننده وجود داشته باشد.

8- مقالات ارسالی برگشت داده نخواهد شد و جشنواره در بهره‌برداری از آنها به صورت مجموعه و کتاب آزاد است.

9- بخش افتخاری: پیشکسوتان عزیز و سایر علاقمندان در صورت تمایل به صورت افتخاری هم می‌توانند در این بخش شرکت فرمایند؛ البته باید در ذیل آثار، جمله –به صورت افتخاری- قید گردد.

10- آثار افتخاری در بخش مسابقه شرکت داده نخواهد شد.

 نکته‌ای درمورد داوری:

کسانی که تمایل به داوری در این جشنواره را دارند، می‌توانند با ارسال مشخصات فردی و سکونتی خود همراه سوابق فرهنگی، هنری و تحصیلی حداکثر تا تاریخ 15/1/1391 متقاضی داوری در یکی از بخش‌های اشعار ترکی، اشعار فارسی و مقاله شوند؛ این بخش از داوران توسط شرکت‌کنندگان انتخاب خواهند شد.

با توجه به این که بخشی از داوران جشنواره توسط شرکت‌کنندگان انتخاب خواهند شد، هر شرکت‌کننده از تاریخ 17/1/1391 تا 25/1/1391 با همان شماره همراهی که همراه مشخصاتش به جشنواره خواهد فرستاد، می‌تواند به یکی از متقاضیان داوری در هر بخش رأی دهد –از طریق پیامک به شماره‌هایی که در ذیل قید شده است- .

 مشخصات فردی شرکت‌کنندگان و {متقاضیان داوری}:

1-الزامی: نام، نام خانوادگی،نام پدر، تخلص هنری،جنسیت(مرد/زن)، تاریخ و محل تولد

2-اختیاری:میزان تحصیلات، شغل، خلاصه سوابق فرهنگی و هنری،آثار چاپ شده و درحال چاپ، و عکس

 مشخصات سکونتی شرکت‌کنندگان و {متقاضیان داوری}:

1-الزامی: آدرس پستی شامل: استان، شهرستان، شهر/روستا، خیابان اصلی و فرعی، کوچه، پلاک و کد پستی؛تلفن ثابت و همراه

2-اختیاری: نشانی سایت، وبلاگ و ایمیل

 نحوه ارسال:

شرکت کنندگان محترم و {متقاضیان داوری} آثار و {مدارک} خود را فقط به ایمیل {ss.donyavi@gmail.com} ارسال فرمایند، در ضمن شماره‌های 09358017967-09148637090 خطوط ارتباطی بین جشنواره و علاقمندان خواهد بود. 

 زمان بندی:

شروع ارسال اثر: 12/12/1390

آخرین مهلت ارسال اثر: 1/2/1391

اعلام نتایج: 23/2/1391

 نکات مهم:

1- اخبار رسمی جشنواره غیر‌دولتی «آنامین یایلیغی» از طریق وبلاگ انتشارات یایلیق ارائه می‌شود.

2-با توجه به این که جشنواره غیر‌دولتی آنامین یایلیغی در تبلیغات هم متکی به لطف دلسوزان و علاقمندان است فلذا خواهشمندیم برگزاری این جشنواره را از طریق قرار دادن فراخوان در وبلاگ و سایت، چهره به چهره، کامنت گذاری، ارسال ایمیل، فرستادن پیامک و ... به اطلاع علاقمندان، شعراء و مقاله‌نویسان برسانید.

3- به کسانی که این جشنواره را به صورت منطقی و علمی و بدون اهانت به ادیان و مذاهب، اقوام،اشخاص حقیقی و حقوقی؛ نقد فرمایند، لوح تقدیر اعطا خواهد شد.

4- هر شرکت‌کننده‌ای که در هر بخش و در 3 دوره برگزیده شود، در یک دوره به عنوان داور حضور خواهد داشت.

5- اسامی شرکت‌کنندگان در وبلاگ انتشارات یایلیق درج خواهد شد و عدم درج به منزله نرسیدن اثر به جشنواره است.

6- نشانی وبلاگ‌ها و سایت‌هایی که فراخوان جشنواره را انتشار کنند، در وبلاگ انتشارات یایلیق در پست مطلب جداگانه‌ای قرار داده خواهد شد.

7- شعراء و مقاله‌نویسان سایر کشورها با رعایت قوانین جشنواره فقط به صورت افتخاری می‌توانند در جشنواره شرکت کنند.

دبلیو­سی شعرلر(۱۰)

رامین جهانگیرزاده

 لطف­ا… شیرین زبان 1345 ـ جی گونش ایلینده اردبیل شهرینده دونیایا گؤز آچیر. نیلوفر ایله محمدحسین آدلی بیر قیزی و بیر اوغلو وار. «شهید بهشتی تهران» دانشگاهیندا عالی مکتبینی بیتیریب. آلتی حئکایه توپلوسو و بیر رومان کیتابی ایشیق اوزو گؤروب، ایکی کیتابی دا چاپا حاضیرلانیبیر.

500 ـ دن چوخ مقاله و حئکایه­سی قزئتلرده و درگی­لرده چاپ اولونوب.

ایشیق اوزو گؤرن کیتابلاری:

1ـ «حکایات کهن»
2ـ «ازعشق و جنون»
3ـ «پوستین گرگ»
4ـ «داستان مقداد»
5ـ «بخوریم و بکوبیم»
6ـ «ودیگرهیچ»
7ـ «موسرخه»

چاپا حاضیرلادیغی کیتابلار:
1ـ «عشقولانه پهلوان اکبر»
2ـ «حکایات ازیادرفته»

# فاغیر #

قفه­خاندا اوتورموشدوق. همیشه­کی کیمی آروادلاریمیزا بای قویوردوق. هامیمیزین اعصابی خاراب ایدی. هره بیر جوره آرودیندان داد ـ هارای چکیردی. لاپدان حسن نه آلارسان نه ساتارسان دئیه دئدی: «منیم آروادیم چوخ فاغیردی!»

 هامیمیز حسنین اوزونه باخدیق. قیافه­سی شوخلوق ائله­ین آداما اوخشامیردی.

علی دئدی: « آللاه هر نه یاخشی شئی وار بیر نفره وئریبدی؛ یاخشی پول، یاخشی ائو، آخیرده ده یاخشی آرواد.

ولی دئدی: « کئشکه آللاه آدامین عؤموروندن گونلری اسکیک ائیله­ییب قویایدی شانسینین اوستونه. معلوم اولور کی بو حسن نییه گونو ـ گوندن اته ـ قانا گلیب کؤکه­لیر. بیزه باخماکی آرواد او قدر بیزه عذاب ـ اذیت وئریب کی آزا قالیر ایچیمیز اوزولسون.

ممدولی دئدی: «ائله اونا گؤره مئشه­ده همیشه یئمیشین یاخشی­سی چاققالا قیسمت اولار.»

حسن بیر آز گولومسه­ییب دئدی: «قویون سؤزومو قورتاریم، سونرا باشلایین تیکه آتماغا! من دئدیم آروادیم فاغیردی آنجاق فاغیر ایلان. گؤرورسن آدامی ائله سانجیر کی هئچ یانا الین چاتمیر. ائله او حالدا قیوریلا ـ قیوریلا قالیرسان!»

هامیمیز بیر ـ بیریمیزه باخیب، اورکدن گولدوک…!

& & &

# یاشاییش #

بیرینجی ائپیزود:

عسگرلیی(سربازلیغی) تزه قورتارمیشدی، ائولنمک ایسته­ییردی. یان دؤوره­سینه باخیب، گؤردو کی اوندان قاباق هرکس کی ائوی یوخ ایدی ائولنیبدیر. چوخ چتینلیک چکمیشدی. بئله قراره گلدی کی ائو آلاندان سونرا ائولنسین.

گئجه گوندوزه سالیب، ایشله­دی، هرنه قازانیردی جمله­ییردی. قیرخ یاشینا چاتجاق ائو آلدی، اؤز ـ اؤزنه دئدی: «قوی ماشیندا آلیم سونرا…!» قیرخ بئش یاشیندا  هر نه­یی وارییدی، عاییله قورماغا حاضیرییدی. نئچه قیزا ائلچی یولادی هامیسی یوخ دئدی. او هئی اؤز ـ اؤزونه دوشونوب دئدی: « منیم ائویم، ایشیم، ماشینیم وار بس نییه ائلچی یوللادیغیم بوتون قیزلار یوخ دئدیلر؟!!»

اللی یاشینا چاتدی، داها ائولنمه­یه هئچ بیر اومیدی قالمادی. یئنی­دن دالی باخیب اؤز ـ اؤزونه یئنه دوشونرکن دئدی:« اییرمی یاشیمدا ائولنسه­یدیم ایندی هم ائویم، هم ایشیم، هم ماشینیم،  هم ده آرواد ـ اوشاغیم وارییدی…!»

او یاشاییشینین چوخ شئیلرینی اله گتیرسه ده، هر نه­یی اودوزموش گؤروب، الینی قویوب اوزونه اورکدن آغلادی. او آغلایارکن گؤیده­کی بولودلار اونونلا باش باشا قویوب آغلادیلار…

ایکینجی ائپیزود:

اون سگگیز یاشیندا قونشو قیزینا وورولدو، اونونلا ائولنمک ایسته­دی. کیمسه اونون سؤزونه اینانمادی. قیزی قاچیرتماغا مجبور اولدو. آتا ـ آناسی مجبورن ائولنمه­یینه راضی اولدولار، اونا توی توتوب ائولندیردیلر. او نئچه­ ایلدن سونرا عسگرلییه(سربازلیغا) گئتدی. عسگرلیین قورتاراندان سونرا دادلی ـ دوزلو بیر قیزی اولموشدو. 

آتا ـ آناسینین ائویندن چیخیب بیر بالاجا داخما  آلماق اوچون لماق اوچونگئجه گوندوز اؤزو و حیات یولداشی ایشله­دیلر. نئچه ایلدن سونرا تانری اونلارا بیر اوغلان اوشاغی دا وئردی. یاشاییشلاری کامیل اولدو. قیرخ یاشیندا هله تزه اؤز ائولرینه کؤچموشدولر کی قاپیلارینی دؤیولدور. قیزینا ائلچی گلمیشدیلر. بیر آز گولومسه­­ییب اؤز ـ اؤزونه دوشونوب دئدی:« جاوانلیقدان بیر شئی اوممادیم هله اوسته­لیک یئزنه­…» قیزینی وئردی، اوغلونو دا یوللادی دانیشگاها.

اللی یاشینا چاتجاق نه قیزی وارییدی نه اوغلو، هر ایکیسی ائولنیب ائودن گئتمیشدیلر. یئنی حیات قورموشدولار. آروادی ایله بیرگه بایقوش کیمی ائوده قالمیشدیلار. آروادی اونا گؤره ائوین آدینی قویموشدو بایقوش دام. او دئیردی:« اوشاق سسی اولمایان ائو بایقوش­خانادی…»    

کئچمیشینه یئنی­دن باخدی.  اللی یاشی اولسا دا بیر دیقه ده جاوانلیق گؤرمه­میشدی. جاوانلیغی قینیندا یانمیشدی.رادی. الینی قویدو قوینونا اورکدن آغلادی. چؤلده­کی آغاجلارلا گؤیده­کی بولودلار ال اله وئریب اورکدن هؤنکوررکن آغلاییردیلار.

اوچونجو ائپیزود:

عسگرلیینی تره قورتارمیشدی. بئله قراره گلدی بیر ـ ایکی ایل جاوانلیق ائدندن سونرا ائولنسین. او ایسته­میردی جاوان چاغیندا آرواد اوشاق اسیری اولسون. بونا گؤره هر نه دن قاباق پاسپورت آلیب گئتدی یابانچی اؤلکه­لره.

نچه دؤنه گئدندن سونرا هر نه الینه گلدی. خرجینی چیخارتماق اوچون آلیش ـ وئرشه ده باخدی. بیر زمان آییلدی گؤردو کی قیرخ یاشینا چاتدی آنجاق هئچ بیر شئیی یوخ ایدی. آتا ـ آناسی دونیاسینی ده­ییشمیشدیلر، باجی ـ قارداشی دا هره­سی بیر گئره گئتمیشدیلر. اؤزو دوشوب قاباغا گئتدی ائلچیلییه. نئچه دؤنه ائلچی گئدندن سونرا بیریله قیزلا تانیش اولوب، ائولندی. ناسی  

بیر نئچه آیدان سونرا بیر  بیریله یولا گئتمه­دیلر. هر ایکیسی بوشانماغا راضی اولوب، هره­سی اؤز یولونا گئتدیلر. او سفیل و سرگردان قالدی کی ائتسین. تکجه باجاردیغی ایش گزمک ایدی. هم غم ـ کدرینی آزالدیردی هم ده اؤزویله بیر نئچه موسافیر او تایا آپاریب خرجینی چیخاردیردی. پاریب  پاریردی او تایا پاریر

 یدان سونرا

اللی یاشینا چاتدی. کئمیشی یئنی­دن گؤزونون انوندن سوووشدو. یاشاییشینی هئچه پوچا چیخدیغینی گؤردو. نه ائوی وارییدی نه آروادی نه ده کی اوشاغی.

اوزونو پنجره­یه قویوب اورکدن آغلادی. پاییز یئلی اسیردی. آغاجلار هو! هو! چالیب یاغیشلا بیرگه آغلاییردیلار. غلاییردیلار. . غاجلار   غلادی غلادی

 روادی نه ده کی اوشاغی.

& & &

میرزه میریخ

رامین جهانگیرزاده

هوپ ـ هوپ دئمه­دی هوپبولوب هوپدان هوپا دوشدو

لاپدان اویانیب لوپ­لوپ ایچیندن لوپا دوشدو

گاه نالدا قالیب، قالدی الینده قارا میخلار

قاتدی یالانی، گوپلادی گوپدان گوپا دوشدو

گوپدان اوجالیب شیللاق آتیب گؤیلره قالخدی

چالدی تپییین، گؤیده بولود شاپ شوپا دوشدو

باخ گؤر نه حالا قالدی بولودلار گؤی اوزونده

گیزلندی گونش، آل اوره­یی تاپ ـ توپا دوشدو

ال ساخلا دئدی میرزه­ میرخ دوش سن او گؤیدن

ائندی فله­یین بور بورجاغیندان پاپا دوشدو

بسدی دئدی دای زایلاما اوغلوم داها بسدی

بسلندی سسین سسلرین ایچره توپا دوشدو

گؤیدن ییخیلیب میرزه میریخ دوشدو بولوددان

بیردن قاییدیب او یئنه ده لوپ­لوپا دوشدو

لوپ­لوپدا قالیب، بوزدو گؤزون، یاتدی یئرینده

گؤردو یوخودا، دونیا دئشیلدی ساپا دوشدو